Booliska Cameroon ayaa Talaadadii rasaas ku furay mudaharaadayaal ka careysan eedeymo musuq oo la xiriira doorashadii madaxtinimada, taas oo keentay dhimashada hal qof, sida ay sheegeen warbaahinta maxalliga ah.
Dilka ayaa ka dhacay xaafadda Poumpoumre ee magaalada Garoua, halkaas oo taageerayaasha musharraxa mucaaradka Issa Tchiroma Bakary ay ku mudaaharaadayeen, kadib markii uu sheegay inuu ku guuleystay codbixintii 12-ka Oktoobar. Dhibbanaha, oo ahayd macallimad deegaanka ah, ayaa lagu dilay xilli ay gurigeeda ku soo laabaneysay.
Muuqaallo lagu faafiyay baraha bulshada ayaa muujinaya mudaharaadayaal ku eedeynaya guddiga doorashada inuu ku shubtay natiijooyinka si uu uga faa’iideysto madaxweyne Paul Biya. Wasiirka Arrimaha Gudaha, Paul Atanga Nji, ayaa sheegay in 20 qof la xiray, isla markaana lagu soo oogi doono dacwado kicin dadweyne ah, isagoo shacabka ugu baaqay xasillooni.
Golaha Dastuurka ee Cameroon ayaa la filayaa inuu natiijada kama dambaysta ah ku dhawaaqo Khamiista, iyadoo warbaahinta maxalliga ah ay sheegtay in Biya uu horyaal yahay in ka badan 50% codadka.
