“Ma waxaa jira waalid aan indhihiisa u huri laheyn gabadhooda si ay u aragto bilicda qorrax dhaca?” Erayadan waxaa yiri Chris Reif, oo ah aabbe ay gabadhiisu indho la’aan ku dhalatay.

Ilmo indha la’aan ku dhashayi ma fahi karo waxa uu ka dhigan yahay araggu. Sababtoo ah ma ay laha xusuus muuqaaleed ama sawir guud oo ay maskaxdooda kaga suureysan karaan dunida ku xeeran. Noloshoodu waxay ku dhisan tahay oo ay wax ku dareemaan codka, taabashada, urinta iyo dhadhaminta. Balse hab-raac caafimaad oo cajiib ah ayaa hadda suurta gelinaya in carruur ku dhashay cudur hidde-side ah oo naadir ah ay dib u helaan araggooda — taasoo rajo weyn u noqotay qoysas u maleynayay in indha la’aanta carruurtoodu tahay mid aan daawo lahayn oo aysan ka bogsan doonin.