DRC: Wasiir iyo rakaab ka badbaaday diyaarad ku gubatay runweyga garoonka
"Duulimaadka ayaa ka soo jeeday caasimadda, Kinshasa, markii ay ka baxday runwayga duulista ee Garoonka diyaaradaha ee Kolwezi ee Gobolka Lualaba," ayaa lagu yiri war rasmi ah
Wasiirka Macdanta ee Congo, Louis Watum Kabamba, iyo xubno kale oo ka tirsan wafdigiisa ayaa ka badbaaday shil markii diyaaraddii ay saarnaayeen uu dab qabsaday ka dib markii ay ka baxday runwayga duulimaadka subaxnimadii Isniinta, koonfurta Jamhuuriyadda Dimuqraadiga ah ee Congo, sida ay saraakiishu sheegeen.
Wasiirka iyo masuuliyiinta kale waxay ku sii jeedeen aagga Kolwezi si ay u qiimeeyaan xaaladda Macdanta Kalondo, halkaas oo 32 qof ku geeriyooday shil macdan qodid Sabtidii.
“Diyaaradda waxay ka duushay caasimadda Kinshasa, markayna ka baxday waddada garoonka intii ay ku degaysay garoonka Kolwezi ee gobolka Lualaba,” ayuu u sheegay warbaahinta garoonka Isaac Nyembo, la-taliyaha isgaarsiinta wasiirka, ka dib markii ay dhacday.
“Dhowr daqiiqo ka dib, diyaaradda ayaa gubatay,” ayuu intaas ku daray.
Nyembo wuxuu sheegay in ku dhawaad 20 rakaab laga soo bad-baadiyay diyaaradda ka hor inta aysan gubin, hase yeeshee shandadihii iyo boorsooyinkii waa waxyeelloobeen.