Istanbul oo martigelinaysa shirweynaha caalamiga ah ee “Mustaqbalka Qaza”
Shirkan oo ay ka qeybgalayaan in ka badan 400 oo qof oo ka kala socda 200 hay’adood oo metalaya Turkiga iyo 48 dal oo kale, ayaa looga arrinsan doona baahiyaha degdegga ah ee malaayiin Falastiiniyiin ah.
In ka badan 200 hay'adood oo ka socda Turkiga iyo 48 dal oo kale ayaa ka qayb qaadan doona Shirka Caalamiga ah ee Caawinta Bani'aadantinimada Qaza, oo ay soo qabanqaabisay Hay'adda Diyanet ee Turkiga (TDV), si loo iftiimiyo xaaladda bani'aadantinimo ee Qaza loona xoojiyo isu-soo-dhowaanshaha caalamiga ah.
Shirka ayaa ka dhici doona Istanbul 11–12 Noofambar, waxaana cinwaankiisu yahay "Mustaqbalka Qaza".
Shirweynahan ayaa la filayaa inuu isu keeno in ka badan 400 oo ka qaybgalayaal ah, oo ay ku jiraan wakiillo ka socda ururada bulshada rayidka ah, difaacayaasha xuquuqda aadanaha, aqoonyahanno, iyo wakiillo ka socda warbaahinta.
Ujeedada shirka ayaa ah in wax laga qabto xaaladda bani'aadantinimo ee laba sano jirsatay ee ka taagan Qaza, iyadoo diiradda la saarayo baahiyaha degdegga ah ee malaayiin qof oo ay saameeyeen burburka kaabayaasha, adeegyada caafimaadka, waxbarashada, iyo hoyga. Waxa kale oo uu dhiirigelin doonaa caawimaad waarta iyo soo kabasho ka dib xabbad-joojintii looga dhawaaqay marinka Qaza.
Shirkan oo socon doona labo maalmood ayaa waxa uu ka koobnaan doonaa shan aqoon-is-weydaarsi oo looga doodi doono dhammaan mawduucyada la xiriira gargaar dhameystiran oo nidaamsan oo la gaarsiiyo Qaza.
Gebagabada shirkan ayaa laga soo saari doonaa bayaan ku saabsan xaaladda bani’aadannimo ee Qaza iyo tallaabooyin wax-ku-ool ah oo wax looga qaban karo.